Аскольд Куров — сыйлыктарга ээ болгон даректүү тасма режиссёру жана продюсери. Ал Орусиядагы адам укуктары жана социалдык көйгөйлөр жөнүндө тарткан тасмалары менен белгилүү. Анын эмгектери Berlinale жана Sundance сыяктуу дүйнөлүк кинофестивалдарда жогорку бааларга татыган.

Өзгөчө белгилей кетчү нерсе, ал продюсер жана оператор болгон "WELCOME TO CHECHNYA" тасмасы "Оскар" менен BAFTA сыйлыктарынын кыска тизмесине кирген. Ошондой эле, 2024-жылы Краковдогу эл аралык кинофестивалда "Мыкты даректүү тасма" деп табылган "OF CARAVAN AND THE DOGS" тасмасын, "NOVAYA", "THE TRIAL: The State of Russia vs Oleg Sentsov", "CHILDREN 404" жана "LENINLAND" тасмаларын да режиссёрлук кылып, продюсерлик кылган.

Тасма тартуудан тышкары, Аскольд Куров 2021-жылдан бери Un/Filmed онлайн-кино мектебинде сабак берет. Ал жерде даректүү тасма тартуу боюнча комплекстүү окуу программасын иштеп чыгып, студенттерге устаттык кылып келет. Ал Америкалык теле академиясынын мүчөсү. Анын тажрыйбасы тасма тартуунун бардык этаптарын: изилдөөдөн, даярдыктан тартып, монтаждоо жана жайылтууга чейинки иштерди камтыйт.

Марианна Каат (Эстония) кинорежиссер жана продюсер. Ал кино тармагында жыйырма жылдан ашык тажрыйбасы бар адис. Марианна эл аралык деңгээлде таанылган даректүү тасмаларга адистешкен көз карандысыз "Baltic Film Production (BFP)" компаниясынын негиздөөчүсү.

Анын көрүнүктүү эмгектерине "Slave Island" (2025), "The Last Relic" (2023), "Life of Ivanna" (2021), "Close Relations" (2016), "Pit No 8" (2011) сыяктуу тасмалар кирет. Бул тасмалар дүйнөлүк фестивалдарда жогору бааланып, көптөгөн сыйлыктарга ээ болгон. Ал алдыңкы режиссерлор менен кызматташып, чыгармачыл даректүү тасма тартуу өнөрүн өнүктүрүүгө салым кошкон.

Кино тартуудан тышкары, Марианна Каат Таллинн университетинин Балтика кино, медиа жана искусство мектебинин доценти жана Таллинн “Кара түн” кинофестивалындагы Doc@PÖFF эл аралык конкурсунун куратору. Анын кошкон салымы үчүн Чарльз Е. Гуггенхайм атындагы "Өнүгүп келе жаткан сүрөтчү" сыйлыгы, MIPDOC Cannes сыйлыгындагы "European Trailblazer" наамы жана көптөгөн эл аралык фестивалдардын сыйлыктары ыйгарылган. Ал ошондой эле дүйнө жүзү боюнча ири тармактык иш-чараларда активдүү насаатчы, чакырылган окутуучу жана калыстар тобунун мүчөсү.

Катерина Суворова — казакстандык даректүү тасма режиссёру, анын эмгектери Казакстан менен Борбор Азиядагы экологиялык, социалдык жана маданий өзгөрүүлөрдү чагылдырат. Ал тайманбас кинематографиялык тил жана көркөм изилдөө аркылуу жоголуп бараткан пейзаждарды, угулбай калган үндөрдү жана өткөөл мезгилдеги коомчулуктардын туруктуулугун сүрөттөйт.

Анын дебюттук тасмасы "Sea Tomorrow" (2016) экологиялык катастрофадан кийинки жашоонун поэтикалык портретин тартат, анда Арал деңизинин кургаган жээгинде калган адамдардын тагдыры баяндалат. Локарнодогу премьерадан кийин тасма Netflix Europe платформасында жарык көргөн. Көркөм каршылыкка арналган "Face The Music" (2019) тасмасы Казакстандын даректүү тасмалары үчүн маанилүү окуя болуп, улуттук кинотеатрларда көрсөтүлгөн. 2025-жылы анын "Qoryqpa: Streets Loud With Echoes" (2024) аттуу тасмасы — социалдык жаракалар менен каршылыктын таң калыштуу изилдөөсү — Hot Docs фестивалынын International Spectrum конкурсунда бет ачарын өткөрдү.

"Tihiy Svet (Quiet Light)" компаниясынын негиздөөчүсү катары, ал Борбор Азиядагы даректүү тасма тартуунун чыгармачыл чек араларын кеңейтүүнү улантууда.

– казакстандык кинопродюсер, режиссер жана Алматыда жашап, иштеген изилдөөчү. Кино тармагында он жылдан ашык тажрыйбасы бар продюсер, анын ичинде алты жыл "Казахфильмде" эмгектенген. Plan B продюсердик компаниясынын негиздөөчүсү.

Анын продюсердик портфолиосундагы эсте каларлык эмгектердин бири — сыйлыкка татыган "We Live Here" толук метраждуу даректүү тасмасы. Сапаты жогору бул эмгектин бет ачары беделдүү CPH:DOX фестивалында өтүп, кийин Hot Docs, DOK.fest München өңдүү бир катар эл аралык кинофестивалдарда көрүүчүлөргө сунушталган.

Учурда ал Борбор Азиядагы окуяларга арналган автордук даректүү долбоорлорду, ошондой эле эл аралык биргелешкен долбоорлорду иштеп чыгууда.

– Берлинде жашап, иштеген даректүү тасма режиссеру. Тасмаларында ал адамдардын жеке жана терең окуяларын баяндап, алардын тагдырларына кеңири коомдук процесстер жана бийлик, адилеттүүлүк, кадыр-барк үчүн күрөш кандай таасир этерин изилдейт.

Эмгектери CPH:DOX, Hot Docs, Sundance, DOC NYC, Krakow IFF, Shanghai IFF, DOK Leipzig жана Docudays UA сыяктуу ири эл аралык фестивалдарда көрсөтүлүп, бир катар сыйлыктарга ээ болгон режиссер. Анын "Life of Ivanna" (2021) толук метраждуу даректүү тасмасы Цюрих кинофестивалында «Эң мыкты даректүү тасма» деп табылып, Гран-при баш болгон көптөгөн байгелерди багындырган.

Кинооператор катары ал Netflix сатып алган Skywalkers: A Love Story тасмасынын үстүндө иштеген. Тасманын премьерасы Sundance фестивалында АКШнын даректүү кино сынагынын алкагында өткөн. Андан соң тасма Tribeca фестивалында көрсөтүлүп, АКШда IMAX форматында кеңири кинопрокатка чыккан.

Анын эмгектери BBC, The Why, SVT (Швеция), RÚV (Исландия), PTS (Тайвань), Current Time TV (Чехия) жана башка эл аралык берүүчүлөр тарабынан эфирге чыккан.

Анын долбоорлору German Federal Film Fund, Испаниянын ICAA агенттиги, Norwegian Film Fund, Estonian Film Institute, Kone Foundation, Catapult Film Fund жана Fritt Ord сыяктуу Европанын алдыңкы мамлекеттик жана жеке фонддору менен уюмдарынын колдоосуна ээ болгон.

Борбордук Азиядагы Америка университетинде (Кыргызстан), ошондой эле Германиядагы, АКШдагы жана Гватемаладагы университеттерде чакырылган лектор болгон (University of Münster – WWU Weiterbildung, Dartmouth College, Indiana University, University of California, Berkeley).

Жогорку квалификациялуу драматург, режиссер (ВГИКтин бүтүрүүчүсү) жана тажрыйбалуу сценарист. "Переделкино" Эл аралык жазуучулар үйүнүн резиденти, Nipkow программасынын стипендиаты (2024) жана IDFA академиясынын бүтүрүүчүсү (2024).

2025-жылы Канн кинофестивалынын Munich Film Up программасынын катышуучусу. Фильмографиясында сыйлыктарга ээ болгон толук метраждуу оюн жана даректүү тасмалар бар. Ошондой эле, өлкөнүн башкы телеканалында көрсөтүлүп, 25 миллиондон ашык көрүүчүсү бар популярдуу сериалдардын сценаристи.

Аялдардын кинематографиясын өнүктүрүүгө активдүү катышат: "Азиянын чыгармачыл аялдары" фондунун резиденти жана "Кыргызстандагы аял-режиссерлордун чыгармачылыгын изилдөө" илимий долбоорунун координатору.

Фотограф жана режиссер. Борбор Азиядагы Америка университетинде кино жана медиа искусство багытында билим алган. Учурда "Тарталы" көз карандысыз киноклубуна активдүү катышып, эксперименталдык тасмаларды жаратат. Өзүнүн тасмаларында Алина Борбор Азия аймагындагы муундар аралык конфликттерди жана аялдардын иденттүүлүгүн изилдейт.

Анын "Умай" аттуу дебюттук долбоору (Кыргызстандагы аялдар тууралуу даректүү тасма) 2024-жылы Кыргызстандын Аял-режиссерлорунун кинофорумунда көрсөтүлгөн. Ал эми "Бакыт сатуучу" тасмасы 2023-жылы 48 Hour Film Race сынагында "Эң мыкты студенттик тасма" номинациясын утуп алган.

Долбоорлру: "Кызыл чокой", "Узак Жол", "Окшошпой калган тасма", "Бишкек, мен сени сүйөм", "Биз ойнойбуз", "Замандаш" жана "Айдар өз ааламында".

Кыргыз-Түрк "Манас" университетинин бүтүрүүчүсү, даректүү тасмалардын режиссеру. 2023-жылы "Ак Илбирс" улуттук киносыйлыгынын ээси болгон, ал эми 2024-жылы "Кыргыз киносунун отличниги" төш белгиси менен сыйланган.

2025-жылы анын "Жайлоого карай жол" аттуу кыска метраждуу даректүү тасмасы 71-эл аралык Оберхаузен кыска метраждуу кинофестивалында Гран-приге ээ болгон.

Даректүү тасмалардын режиссеру жана монтаждоочу. Кыргыз-Түрк "Манас" университетинин радио, ТВ жана кино кафедрасынын окутуучусу. "Журналистика" багыты боюнча магистрдик жана докторлук даражалардын ээси.

"Көчмөн" тасмасындагы монтажы жана үн режиссурасы үчүн эки "Ак Илбирс" улуттук киносыйлыгынын ээси (2012). КМШ жана Балтика өлкөлөрүнүн жаш кинематографисттери үчүн II Эл аралык киномектебинин (Москва, 2009) жана КТМУ "Манас" алдындагы "Кинорежиссерлорду даярдоо курсунун" бүтүрүүчүсү (Бишкек, 2007).

Кинотаануучу, искусство таануу илимдеринин кандидаты жана FIPRESCI мүчөсү. Борбордук Азиядагы Америка университетинин "Телевидение, кино жана медиа искусство" факультетинде сабак берет. Анын илимий кызыкчылыктарына кыргыз киносунун тарыхы, киносын жана даректүү кино кирет.

Ийгиликтери: Дебюттук тасмасы «Кийинки ким?» (Who is Next?) (2023) Борбордук Азиядагы true crime жанрындагы биринчи даректүү тасма болгон. Ал Кыргызстандагы кыз ала качуу көйгөйүнө арналган. Тасмада Нуржамал Карамолдоева менен бирге режиссер, сценарист жана продюсер катары иштеген. Тасма Лос-Анжелестеги 39-Азия-Тынч океан кинофестивалында "Жюринин атайын эскерүүсү" сыйлыгын, ошондой эле XVII Эл аралык "Бир Дүйнө – Кыргызстан 2023" адам укуктары боюнча даректүү тасмалар фестивалында "Эң мыкты улуттук тасма" наамын алган. Тасма Alternativa Film Awards (Казакстан, 2023) сынагынын Негизги сынагына да катышкан.

Competition of the Alternativa Film Awards (Kazakhstan, 2023).

Режиссер, сценарист жана продюсер, "OKOY" продакшн компаниясынын негиздөөчүсү (2012). Кесиптик өнүгүүсүнө КРСУда маркетинг, жарнама жана PR менеджменти боюнча окуу (2005), Роберт Макинин "Миллиондук окуя" сценаристтик тренинги (2012) жана Георгий Молодцовдун мастер-классы (2015) кирет.

Фильмографиясы:

• «Рахмат, машыктыруучу!» (2023) — кыска метраждуу даректүү тасма, сценарист, режиссер.
• «Жаран» (2021) — кыска метраждуу даректүү тасма, сценарист, режиссер.
• «Менин Кыргызстаным» (2019) — кыска метраждуу даректүү тасма, сценарист, режиссер, продюсер.

Даректүү тасмалардын режиссеру жана монтаждоочу. Кыргыз-Түрк "Манас" университетинин радио, ТВ жана кино кафедрасынын бүтүрүүчүсү. Назгүл көркөм жана даректүү тасмаларда монтаж инженери болуп иштеген.

Иштери: "Эшеналы Арабаев" (2021), "Салбуурун" (2022), "Качкын" (2023), "Умай" (2024), ошондой эле акыркы долбоорлору "Көз ирмем" (2024) жана "Айжан" (2025) тасмаларында монтаж жасаган. Монтаждан тышкары, "Кыргызфильм" студиясынын бир нече долбоорлорунда режиссердун жардамчысы (Эшеналы Арабаев, Эне тил, Аян) жана үн оператору (Таза суу, Эр, Бурулай үчүн спутник) болуп иштеген. Анын режиссердук дебюту "Тамчы" аттуу дипломдук тасмасы менен болгон (2021).

Кыргызстандан чыккан жаш продюсер жана даректүү кинорежиссер, Борбордук Азиядагы Америка университетинин бүтүрүүчүсү. Адам укуктарына багытталган CEU жайкы даректүү кино мектебинде (Будапешт, 2024) жана Un/Filmed даректүү кино интенсивинде (Бишкек, 2024) билим алган.
Ийгиликтери: Анын "Sürgünlər" аттуу дебюттук кыска метраждуу тасмасы жоголуп бара жаткан маданияттын контекстинде иденттүүлүктүн, эстутумдун жана тилдин морттугун изилдөөгө арналган.

Иштери:

• «Эркиндиктин баасы» (2022, кыска метраждуу даректүү тасма, ко-режиссер, монтаж режиссеру)
• «Сабыр» (2024, кыска метраждуу даректүү тасма, ко-режиссер, оператор)
• «Өлгөндүн артынан өлбөй жок» (2025, кыска метраждуу көркөм тасма, продюсер)
• «Sürgünlər» (2025, кыска метраждуу даректүү тасма, режиссер, продюсер, оператор)

Оператор жана режиссер, учурда Кыргыз-Түрк "Манас" университетинин студенти. Эксперименталдык тасмаларды тартуу менен алектенген «Тарталы» көз карандысыз чыгармачыл бирикмесинин мүчөсү.

Иштери: Ал «Тарталы» экспедициясы учурунда тартылган, режиссер, оператор жана монтаждоочу катары өзү иштеген эки кыска метраждуу даректүү тасманын автору:

• «Мени тартпа!» (2025)
• «Кызым, тоого кетели» (2025)

Учурда лабораториянын алкагында Айжанат үчүнчү долбоору — толук метраждуу даректүү тасманын үстүндө Марат Эргешов менен биргеликте иштеп жатат.

Даректүү режиссер жана медиа стратег. Продюсерлер үчүн курстун (Antares Creative Group, 2022) жана Almaty Cinema School'дун Даректүү кино курсунун (2023) бүтүрүүчүсү. Учурда Кыргызстандагы укук коргоочунун жашоосуна жана ишмердүүлүгүнө арналган "Индира" аттуу биринчи толук метраждуу тасмасы өндүрүш стадиясында жана Eurasia Doc (2023–24) жана Tashkent WomenDoc (2024) питчингдеринен ийгиликтүү өткөн.

Иштери: Бул лабораториянын алкагында Тынымгүл гидролог жана эколог Гүлбара Өмөрова тууралуу долбоордун үстүндө иштеп жатат. Бул тасма Кыргызстандагы климаттын өзгөрүшүн изилдеп, дүйнөлүк климаттык өзгөрүүлөрдүн контекстинде эл аралык мааниге ээ болуу потенциалына ээ.
Фильмографиясы:

• "Немного озорства" (2023, 4 мүнөт) – "48 сааттык киномарафон" сынагында "Эң мыкты сүйүүчүлөрдүн тасмасы" номинациясынын жеңүүчүсү.
• "Мен бул жерде чоңойгом" (2023, 14 мүнөт) – Алматыдагы Method Doc фестивалында көрсөтүлгөн.

Кыргызстандык режиссер, даректүү жана көркөм кино тармагында иштейт. Тасмаларында жеке турмуштук окуялар аркылуу адамдын ички дүйнөсүн, өзүн табуу аракетин жана жашоодогу өзгөрүүлөрдү чагылдырат.

БААУнун бүтүрүүчүсү, Роттердам фестивалынын кинолабораториясынан жана Atelier Varan программасынан билим алган. Эл аралык көркөм тасмаларда, теледолбоорлордо жана даректүү тасма долбоорлорунда режиссер, оператор, монтажер катары чоң тажрыйба топтошкон.

Учурда «Синергия» деп аталган өзүнүн алгачкы толук метраждуу документалдык тасмасын аяктап жатат.

Тележурналистика тармагында 27 жылдан ашуун тажрыйбасы бар адис.

2025-жылы Т. Океев атындагы «Кыргызфильм» улуттук киностудиясынын колдоосу менен «Жүрөктөн жүрөккө» жана «Руханий жүк» аттуу 20 мүнөттүк бейнелик (портреттик) тасмаларды тартып, даректүү кинодогу дебютун жасаган.

Учурда даректүү тасма тартуу багытында чыгармачылык жолун активдүү улантууда.

Көз карандысыз изилдөөчү жана социалдык ишкер. Бишкектеги Bir Qyzyq Jer маданий мейкиндигинин жана шоурумунун негиздөөчүсү.

Режиссёр жана сценарист. Кино ааламын кыргыз киносунун чебери Марат Сарулудан үйрөнүп, дүйнөлүк кинематографияны терең изилдеген.

Азыркы тапта «Тарталы» чыгармачыл «Тарталы» чыгармачыл тобунун мүчөсү. жана негизинен даректүү тасма тармагында эмгектенет.

Айлана-чөйрөгө, жаратылышка жана жан-жаныбарларга болгон аяр мамилесин даректүү кинонун тили менен чагылдырган жаш режиссёр.

Бир катар тасмаларды продюсерлеген тажрыйбасы бар жана Бишкек эл аралык кинофестивалын уюштуруу тобунда эмгектенген.

Учурда БААУда билим алып, диплому үчүн автордук даректүү тасмасынын үстүндө иштеп жатат. Жашоодо да, чыгармачылыкта да терең ой жүгүрткөн, демилгелүү жана шайдообот инсан.

Ош шаарындагы Гапар Айтиев атындагы көркөм сүрөт мектебин аяктаган.

Кинорежиссёр Эрнест Абдыжапаровдун чеберчилик сабактарынан өтүп, "Сканер" жана "51+" кыска метраждуу тасмаларын тарткан. Кийин Б. Бейшеналиева атындагы Кыргыз мамлекеттик маданият жана искусство университетинде Тынай Ибрагимовдун өнөрканасынан «кинорежиссёр/кинооператор» адистигин аяктаган.

Кыргыз-Түрк «Манас» университетинин Радио, ТВ жана кино бөлүмүнүн бүтүрүүчүсү.

Дипломдук иш катары тарткан «Кош бол» тасмасы Германиядагы беделдүү Оберхаузен кинофестивалында көрсөтүлүп, калыстардын атайын сыйлыгын жеңип алган. Кийинки «Меланхолиянын боёктору» фильми Азиядагы эң ири Бусан кинофестивалында, ал эми «Перзент» кыска метраждуу тасмасы Пекин фестивалында дүйнөлүк премьерага чыгып, бир катар эл аралык сыйлыктарга татыган.

2026-жылы анын «Иттер» аттуу алгачкы толук метраждуу даректүү тасмасы ArtDocFest – Riga эл аралык фестивалында «Эң мыкты режиссура» номинациясын жеңип алган.

Көркөм жана даректүү кино багытында эмгектенген режиссёр жана сценарист.

Анын "Ромео" аттуу алгачкы кыска метраждуу тасмасы эл аралык деңгээлде таанылып, 2025-жылы Locarno Filmmakers Academy программасына тандалып алынган. Ошондой эле Asian Film Awards Academy тарабынан уюштурулган International Film Camp 2025 долбооруна катышып, "Кечир мени, досум" тасмасы үчүн өндүрүштүк грантты жеңип алган.